今日打風呀，不過下午還未落雨 + 好熱，咁我就等埋浩B放工就過去浩B娘家同BB玩水啦！

不過到浩B放工時就開始落雨啦，好彩唔係好大雨天氣仲熱，同埋果度有縫遮住，咁我地都決定同BB玩水水！過到去，BB己經開緊水啦，咁我就拿拿臨同BB換泳衣，然後落水！

BB可能未試過咁大個池呀，平時沖涼個盤細就唔驚，尼個咁大，佢一落去就有D驚驚啦，不過玩左陣就開始適應啦，玩左約半個鐘就上水啦，費事浸咁耐水啦，皺皮嘛，下次好天先再玩過！

玩完水，我地就出左去樂富吉之島睇士的車，因為我睇廣告見到架米奇老鼠士的車賣$200咋，所以就去睇下，出到去見到諗都唔諗就決定買，因為實在太平同埋輕便D，有時去附近都唔洗推住架大bb車嘛，跟住再買多對三間鞋仔比bb就去比錢，比錢時，原來有J Card架士的車又平多十蚊呀！！最後$190買到架士的車真係堅抵，好似執到筍野咁，勁開心！！

我買了藍色果架米奇士的車

三間鞋鞋